pub

حلوة النيكرو لذيذة و قوام مختلف تماما

 

المقادير 

  • 250غ زبدة
  • كأس و نصف سكر عادي
  • 6 مغارف كبار کاکاو بني
  • كأس حليب
  • 6 صفار بيض
  • مغرف كبيرة فانيليا
  • 2 كيسان فرينة
  • 2 أكياس خميرة الحلوى
  • 6 بياض البيض

طريقة التحضير

في كاسرونة نحط 250غ زبدة + كأس و نصف سكر عادي + 6 مغارف كبار کاکاو بني + كأس حليب و نحطها فوق النار مع الخلط حتى ينساجمو و مع الغلية الاولى نطفي نفرغ منو كأس نخليه للتزين و البقية نفرغوا في طبسي نزيد معاه 6 صفار بيض نخلط نزيد مغرف كبيرة فانيليا نخلط ونزيد 2 كيسان فرينة+ 2 أكياس خميرة الحلوى کامل مغربلين نخلط حتى ينساجمو مبعد نحكم 6 بياض البيض نزيد معاهم قرصة ملح ونطلعهم مليح بالباتور حت نتحصل على ثلج مبعد نبدا نزيدوا في الخليط الاول تدريجيا مع الخلط حتى نكملوا كامل ونفرغوا ف مول مدهون بالزبدة ومرشوش بالفرينة 40/30سم نسقمو و نخبطو شوية و ندخلوا الفرن سخون علی درجة 180* كي يطيب وينشف نخرجوا نخليه يبرد ونفرغ فوقوا كأس خليط الشوكولا لي خليناه في الاول نسقمو على كامل الوجه نزيد لوز افيلي ونخليه ينشف ونقطعو مربعات.

يمكنك مشاهدة شرح مفصل خطوة بخطوة في هذا الرابط:

إرسال تعليق

0 تعليقات